ننم تا كي وا گيلان مردوم گيلكي جا فارسي گب بزنن هر روز كي گوذره نسل جوان دينيم كي ويشتر فارسي حرف زند خوشبختانه بيشتر جوانان نتاند خوب فارسي حرف بزند اتويي ايدامه پيدا بوكونه زياد سال نمانسته كي امي زبان جه بين بشه شايد 50 سال ديگه فقط پير مرداكان گيلكي بلد ببد اوشانم هيچكسا پيدا نوكوند كي اوشان امرا گيلكي حرف بزند هسايم رشت ميان به نظر من مرز زبان گيلكي اوتويي كي من بيدم تقريبا 27 سال ايسه يعني اوشاني كي بيجيرتر جه 27 سال ايسد بيشتر اشان فارسي حرف زند و اوشاني كي بوجور تر جه 27 سال ايسد گيلكي حرف زئن طرف ميل كوند اي كاش بتانستيبيم ايتا آمار بيگيرم اشني كي من ايه گفتاندرم تقريبيه
فكر بو كونيد نوجواناي 15 ساله ي رشت ميثال زنم ا نوجوانان به دو تا گوروه دختر و پسر تقسيم بد دختران ميان من حتي نتانم بگم 99 % بايد بيشتر جه ان ببه اوشاني كي فارسي حرف زند پسران ميانم شايد 90 تا95 % دوروست ببه حله جمعيت زياد اوشاني كي گيلك نيدم در نظر بيگيريد ا نسل همگي زبان گيلكي محاوره اي رشت اشانا حالي به ولي 90%اشان نتاند گب بزند مثلا جه كلمات قديمي تر كي كمتر ايستفاده هيچي سر در نورد من ايه 15 سال ميثال بزم اگه نسلاي بيزير ترا حيساب بوكونيم ده چيزي به اسم دوزبانگي وجود نره همه فارسي حرف زند (((((من ا نيويشته ميان خيلي سعي گودندرم كي جه گيلكي بيشتر ايستفاده بوكونم تا فارسي وگرنه خيلي كلمات وجود داره جه گيلكي كي تنيم واژگان فارسي جا بكار ببريم ولي ده او كلميان جه رسميت دكفته)))))من ننم ايتا زبان غير جه فارسي ا حوكومت ره چقدر موهم ايسه كي خيد فكر بوكوند ا زباناي محليم ايران ميراث فرهنگي بحساب ايد فقط آثار تاريخي بناهاي باستانيه نبايد ترميم گودن بلكي زباناي محلي جه اوشان موهم تر ايسد باز چگودن زبان گيلكي وبقيه زبانان كي جه بين شوئوندرد حوكومت ره كاري نداره خيلي وقت بيگيره 20 سال ميان گيلكي تنه زنده ببه اونم بصورت آكادميك ونوشتار امرا موتاسفانه بعضي اقوام ايسد كي اگر مركز اشن زبان بخايه ويشتر بها بده مثلا تلويزيون كاملا محلي راديو آموزش به اوشان زبان و... اشن ره چكونه كشورا تيكه پاره كوند اولي هه توركان بعد كوردان بلوچان و... هشن وسي اما گيلكان و امي براران تالش و لر م ضربه خورداندريم موطمئن بيبيد كي زنده گودن زبان گيلكي هيچ كار سختي نيه نه ا زبان كي اما الان گيلان ميان گب زنيم زباني كي دوباره اون كلمات قديمي جه بين بوشو هنده ايستفاده ببه ايتا فرهنگستان بمانه او دورون كلمات جديد چكوند آموزش به گيلكي امي زكنا ياد بدد ادارات ميان كارمندان ملزوم ببدكي مردوم امرا گيلكي گب بزند راديو تلويزين برنامه يان گيلكي ببه اودورون آهنگاي شاد گيلكي كي همگي در حال حاضر ممنوع ايسد پخش ببه شوما دنيد زبان گيلكي چي آهنگاي شادي دره چي موسيقيهاي عاشقانه اي دره فكر بوكونيد ايتا روز تلويزيون باز گوديد بنائيد شبكه باران(وارش)هتو كي روشنا گوديد ترانه ي مره لوچان نزن ميرم تي لوچانه ره..... خندندره شوما چي حالي پيدا كونيد مطمئنن در مورد گيلكي يا فارسي حرف زئن دوباره فكر كونيد تجديد نظر كونيد ..
فعلا كي اما بايد حوكومتا بفهمانين كي اما توركان مئسان تجزيه طلب ني ييم امي زبان ايتا جه شاخه هاي زباناي ايراني ايسه وتوركي امرا نبايد مقايسه ببه دنيد امي زبان گيلكي اصيل چقدر كلمه دره كي تنه زبان فارسيه كومك بوكونه كي كلمات عربيا توده بيرون؟ هنا دنم كي زبان گيلكيه خيلي راحت تنيم زنده كونيم اگرم جه بين بشه حوكومت تقصير نيه خودومان تقصير ايسه كي بي تفاوت ايسيم .
