چند روز پيش ايتا فرم اي نفر دست ميان بيدم كي ايپچه مره عجيب بو تا حالا فرم ا شكلي نيده بوم ا فرم تامين اجتماعي شين ايسه اون دورون اي سري اطلاعات خستيد جه كساني كي ا فرمان پورا كوند.ايتا قسمتا ميان هوتويي كي عكس ميان دينيد جه متقاضي واورسده كي كو زوانان امرا تنيد صحبت بوكونيد ان مره خيلي عجيب بو چون آمار درستي امي كشور ميان در مورد تعداد سخنوران هر زبان ارائه نيبه يا انكه تعدادهر نژاد چقدر ايسه شايد ان اولين بار بو كي ايتا سازمان دولتي در سرتاسر كشور ا آمار واطلاعاتا جمع گودندره .
ان مرا هنده (هنه)ببرده فكر ميان فكر كونم گيلان مردوم كي ا فرمانا خييد پورا كوند خوشانا زوانا چي زند ميانسالان وبزرگسالان احتمالا هم فارسي وهم گيلكيا علامت زند فاجعه دنيدي كيه ايسه اويه كي خيد خوشانا زكن ره ا فرم ان علامت بزند مجبورد بزند فارسي البته ايتا چيز خوب كي ا فرم دشتي ان بو كي زباني به نام زبان مازندراني نينيويشته بو ...ده بيشتر توضيح ندم ده خودوتان تا آخر بيشيد .
(اويتا اوتاق مي پئر شبكه بارانا نيگا گودندره اي لحظه بيدم كي ايتا شركت اردبيلي گيلان تلويزيون ميان تبليغ گودندره فكر كونم چند ماه ايسه كي ا موضوع شروع ببسته ننم بده يا خوبه شايد من زياد حساس ببستم ولي دنم ا اردبيل تا گيلان تيكه پارا نوكونه بيخيالا نيبه)
ننم آخر امي زوان تكليف چي به؟ اما چي تنيم بوكونيم ؟ گيلان مردومم كي به همه چي فكر كوند جز به هويت و فرهنگ واصالت و... اشنه ره مهم نيه كي زوان مادري جه بين شوئوندره تازه من كي خودوم خيلي سعي كونم زور زنم جه گيلكي ايستفاده بوكونم خيلي جايان مجبورم جه فارسي ايستفاده بوكونم چون بعضي جايان احساس كوني كي جزو گيلان نيه يا اگر گيلكي گب بزني هيشكي تي گبانا نفهمه!!! ماشاءا...امي بزرگان وفرهنگيانم كي دوست درد همه جا جه ايتا تهراني تهراني تر ببد (ياد او داستان دكفتم او كلاچ كي خستي كوءتر راشوئونا ياد بيگيره خو راشوئونم انا ياد شو) او هفته استاد پوررضا بوموبو برنامه ي ماه نشين ميان بيدم ايتا جه مجريان فارسي حرف زئنا شورو بوگود انتظار دشتيم ا برنامه حداقل به فارسي نبه يا استاد ايتا تذكر اشانه بده كه بابا هم تو گيلكي هم من هم اوشاني كي ا برنامه يا دئندرد بيدم مي انتظار كاملا بيجا ايسه شايد هيشكي گيلان ميان مي مئسن فكر نوكونه....
حالا بوگذريم ولي براران خا خوران بايد ايتا كار گودن امي حكايت بستاندره سرخپوستان مئسن كي كاملا منقرضا بستد تازه دو تا قاره اوشانا شين بو آما چي ايتا اوستانم تالشان امرا شريكيم تازه توركانم گيلان ميان جه ان به بعد سهم خيد ولي بايد جه حالت وبلاگ نويسي وكل گب زئن بييم برون بايد ايتا گروه ايتا ان جي او چكونيم آما گيلكان اگر مطالباتي بداريم بايد امي حرفا گوش بوكوند آما توركان مئسن مملكت به باد ده و تجزيه طلب و نژاد پرست ني ئيم كوردان مئسن جدايي طلب ني ئيم مبارزه مسلحانه نوگوديم بلوچان مئسن تروريستانا چراغ سبز نيشان ندائيم عربانا مئسن اهواز ميان بمب گوذاري نوگوده ئيم بابا آما يم ايتا قوم ايراني ايسيم امي فرهنگ وتاريخ وامي همه چيزا جه بين برداندريد براران خاخوران بئيد آما آخرين نسل گيلكان دست به دست هم بديم كه امي زوان ان مهمترين انتقال دهنده فرهنگ و هويت جه بين نشه گيلانيان تعصبا بايد هنه زنده بوكونيم غيرتا بايد بيدارا كونيم..........................
